Bo ta paga online?
Uza bo ‘Account Number’ (number di 10 cifra).
Pa cada pago mester menciona corectamente e account number. E pago no ta ser considera como pago si e detaye aki no ta corectamente menciona.
Tin varios manera pa paga bo cuenta di awa. Por paga na loket di WEB, direct debit, online banking, na oficinanan di ELMAR y na MFA/Hulpbestuurskantoor.
1. Direct debit
Bo banco por paga bo cuenta di awa pa bo, automaticamente via bo cuenta coriente. Esaki yama un ‘direct debit.’ Por regla esaki directamente cu bo banco.
2. Online banking
Paga bo cuenta cu un click tur luna uzando bo banco su sistema online. Uza bo account number (number di 10 cifra) manera indica, pa evita cu bo pago no lo wordo procesa.
Scoge bo banco:
- ArubaBank – Bay na Aruba Bank online banking
- CMB – Bay na CMB online banking
- RBC – Bay na RBC Online Banking
- Banco di Caribe – Bay na Banco di Caribe online banking
Paga personalmente na un di e oficinanan di pago.
3. Na Oficinanan di Elmar
Tur oficina di ELMAR por procesa pago di cuenta di WEB.
NOTA: Mester mustra e cuenta actual na balie pa por acepta e pago.
4. Na loket di WEB
Loketnan di WEB ta procesa pago di cuenta y tur otro asunto relaciona cu suministro di awa na cas of negoshi. Nos agentenan ta disponibel di 7.45 am – 3.45 pm Non-stop, pa bo conveniencia. Por fabor trece identificacion valido y cualkier documento necesario pa nos por sirbi bo mihor.
5. Na oficina di Gobierno MFA/Hulpbestuurskantoor
WEB ta acepta pago via tur MFA/Hulpbestuurskantoor na Aruba. Corda trece bo cuenta y e suma di pago cash.
6. Pay.aw
Habri bo pay.aw app, scoge ‘Bill Payments’ y sigui e instruccionnan riba screen. Of click riba ‘Pay’ y scan e QR code di bo cuenta di awa pa haci e pago.
NOTA: Percura pa bo tin sufciente saldo pa haci e transaccion.
7. Kiosk na tur Teleshop di SETAR
Bishita cualke Teleshop di SETAR cu bo Account Number di 10 cifra di WEB of e cuenta di awa cu bo kier paga, mas e placa cash of debit card y sigui e instruccionnan riba e pantaya di e kiosk.
NOTA: Placa cash mester ta exacto (no ta debolbe cambio), pago di mas lo bay riba account di cliente na WEB.