Nos Historia

Haya sa mas di WEB su historia riba WEB su timeline

Aruba ta cuminsa desalina awa

1903
E historia di desalinacion na Aruba a cuminsa mas cu cien aña pasa cu produccion di proceswater na 1903 na e mina di oro, Gold Mining Company (1899-1916) Hasta den e prome etapa aki, tawata obvio cu e awa natural y awa colecta di awacero no tabata suficiente pa e proceso quimico di extrae oro. E decision a wordo tuma pa desalina awa di lama, colecta for di Spaans Lagoen. 

Fundacion di Landswatervoorziening

1931
For di 1932 pa 1983 awa di bebe y awa industrial a tawata wordo produci uzando e tecnologia termico di desalinacion, esta “Multi Effect Desalination” of “MED”. For di e prome actividadnan di desalinacion na 1932 te cu aña 2007. WEB a produci awa destila, ajusta na e proximo specificacionan: 12 mg/L total hardness 12 mg/L alkalinity pH 8.8-9.3 Esaki tawata wordo alcansa dor di laga e awa cai over di un baki cu piedra di calichi despues di evaporacion. E calichi ta fungi como un fuente di calcium carbonate, cual ta desolve na un manera gradual. Di e forma aki lantando e pH riba neutraal y incluyendo poco calcium (hardness) y carbonate/bicarbonate (alkalinity) na e awa prome cu e pasa pa e liñanan di distribucion. 

Introduccion di produccion di awa y coriente combina

1958
Cinco evaporador MED cu capacidad di 2,000 m3 pa dia a wordo instala. E steam cu tawata scapa for di e turbinanan den "Power House" tabata wordo uza como e steam pa keinta e evaporadornan nobo aki.  Den e temporada ki e planta a cuminsa produci awa industrial pa refineria tambe, e tempo ey tawata LAGO. 

Introduccion Sistema di Boiler Integra

1958

Desalinacion MSF ta wordo introduci na WEB

1965
Na 1965, tecnologia di desalinacion MSF (Multi-stage Flash) a wordo introduci na WEB cu instalacion di un evaporador marca Aqua Chem cu capacidad di 3,000 m3 pa dia. 

Introduccion breve di tecnologia: Multi Stage Controlled Flash

1978
For di 1978 pa 1995 a uza algun unidad di Multi Stage Controlled Flash. E diseño revolucionario aki a uza gas pa controla biofouling marino den condensers, cu e intencion di mehora eficiencia di flash evaporation y reduci costo di operacion. Lamentablemente, e operacion no a duna bon resultado. A dicidi di continua cu instalacion di evaporadornan MSF pa cumpli cu demanda cu tawata subiendo drasticamente debi na crecemento rapido di economia Arubano. 

WEB ta importa awa debi na demanda halto

1982
WEB no por a cumpli cu demanda halto di awa potabel den aña 1983. Pa suministra awa y cumpli cu demanda, awa di bebe a wordo importa na 1982, 1983 y 1990 for di Merca, Venezuela y Dominica. 

Prome planta di Reverse Osmosis ta wordo instala y evaporadornan MED ta wordo desmantela

1983
WEB no por a cumpli cu demanda halto di awa potable den aña 1983. Pa suministra awa y cumpli cu e demanda, awa di bebe a wordo importa na 1982, 1983 y 1990 for di Merca, Venezuela y Dominica. WEB a contrata un compania pa instala un planta di SWRO di 1,000 m3 /dia na 1983, riba base di “Build, Own and Operate” (BOO) como iniciativa pa reduci importacion di awa. E unidad di SWRO “Plate & Frame” a opera di 1983 pa 1985. Sin embargo, tawata tin hopi problema cu bio-fouling di membraanan e tempo ey, cu a haci cu e planta nunca a opera optimal. Despues di 43 aña di resultado excelente cu MSF, e stap duru den direccion di SWRO a wordo tuma na Aruba e tempo ey. Esey a indica e comienso di e final pa e “Era di MSF”. Mientrastanto, 5 evaporador MED (instala na 1958) tawata desmantela na 1983 despues di a keda den produccion pa mas cu 25 aña. 

Evaporador MSF nobo instala na WEB pa aumenta produccion (12,000 m3/dia)

1990
Entre 1990 cu 1998 WEB a haña sumes forza  pa aumenta capacidad di produccion cu 4 evaporadornan nobo MSF (12,000 m3/dia). A kies pa tecnologia MSF pa su confiabilidad y bon experiencia den operacion. Durante 1990 atrobe WEB no por a cumpli cu e demanda di awa cu a subi drasticamente. Pa por cumpli cu demanda, awa di bebe a wordo importa for di Merca, Venezuela y Dominica. 

Desaroyo di Wind Park Vader Piet

2004
E prijs creciente di combustibel a pone cu WEB Aruba a studia alternativanan di tecnologia nobo prueba. Esaki pa por produci awa potabel y genera energia cu un eficiencia  hopi mas halto y cu menos dependencia riba combustibel. Na 2004 a inicia e desaroyo di un parke di turbina di biento na Vader Piet.

Introduccion motornan RECIP (RECIP I)

2006
Na aña 2006 a pone e prome tres “Reciprocating Internal Combustion Engines”, e asina yama RECIPS den servicio. Esaki a hisa confiabilidad di WEB Aruba den generacion di energia cu un planta di energia nobo y independiente cu un capacidad di 24 megawatt.

Koraalhuis di WEB remplaza cu un sistema cera di remineralisacion

2007
In 2007 WEB’s Coral House was replaced by an automated, pressurized lime stone re-mineralization system. This fixed bed system, was introduced mainly to strengthen the biological integrity of the re-mineralization process, eliminating the free aeration process of the distillate in the Coral House. This reduced the possibility of air-born Legionella Pneumophila bacteria contamination of the drinking water.

Introduccion RECIP II (di dos planta di energia)

2008
Na aña 2008 WEB Aruba a expande su generacion di energia cu un planta di motornan RECIP adicional di 24 megawatt.

Instalacion di prome planta SWRO – SWRO #1 di 8000 m3/dia

2008
Na maart di 2008, WEB a pone su prome planta di SWRO den operacion cu capacidad di 8000 m3 pa dia. Na juni di e mesun aña planta Aqua Chem #1, construi na 1983, a wordo kita for di operacion pa motibonan economico. E planta tawatin mas di 25 aña den operacion y tawata den condicion excelente ainda. 

Vader Piet Windpark den operacion

2009
A finalisa construccion di parke di turbina di biento Vader Piet na final di aña 2009. 

Introducion RECIP III

2012
Na 2012 WEB Aruba a pone den funcion un di tres planta di RECIP cu un capacidad instala di 45.2 MW, reemplasando un parti mas di e sistemanan integra di boiler.

80 anja di WEB Aruba

2012

SWRO II instala cu capacidad di 24,000 m3/dia

2012
Na 2012  planta SWRO #2 a wordo poni den operacion cu un capacidad di 24,000 m3/dia. Como resultado, 4 di e evaporadornan MSF a wordo saca for di produccion. Ironia ta cu e tecnologia SWRO, cu a wordo rechasa na 1983, despues di introduccion di MSF, ta esun cu a elimina e tecnologia MSF completamente for di desalinacion na Aruba. Mescos cu MSF na su tempo a caba e era di MED (e pilar di e prome generacion di desalinacion).  Segun tawata construi e plantanan di SWRO, a bira tempo tambe pa desmantela e antiguo unidadnan di MSF. A desmantela e prome planta Aqua-Chem na 2008, sigui pa Boilernan 1 y 2 na 2012, sigui pa tres planta Aqua-Chem mas. Na 2015 cu instalacion di un planta di SWRO mobil, a saca e ultimo dos plantanan Aqua-Chem for di servicio.

100% SWRO y introduccion di Electro De-ionization

2015
E aña aki nos evaporadornan MSF a wordo remplaza cu un unidad di SWRO temporal (mobile). Esaki ta den preparacion pa instalacion di WEB su di tres planta di SWRO permanente den futuro. Awa industrial tambe ta wordo produci, esaki uzando tecnologia di Electro De-ionization (Ion Exchange). Di e forma aki e tecnologia MSF a wordo elimina completamente for di actividadnan di desalinacion na Aruba.  Segun tawata construi e plantanan di SWRO, a bira tempo tambe pa desmantela e antiguo unidadnan di MSF. A desmantela e prome planta Aqua-Chem na 2008, sigui pa Boilernan 1 y 2 na 2012, sigui pa tres planta Aqua-Chem mas. Na 2015 cu instalacion di un planta di SWRO mobil, a saca e ultimo dos plantanan Aqua-Chem for di servicio.

Battery Energy Storage (BESS)

2017
De acuerdo cu WEB Aruba su strategia di energia renovabel (ARES), WEB a inicia diferente proyecto pa almacena energia renovabel. E proyectonan aki ta hunga un rol importante den mantene e red di energia stabil y eficiente. Battery Energy Storage (BESS) tawata un proyecto piloto cu ta colecta data confiabel y specifico di e sitio, pa yuda determina diferente forma pa integra almacenahe di energia di bateria den WEB su mix di energia renovabel y su red di energia.

85 Aña di Desalinacion

2017
Na 2017 WEB Aruba a conmemora 85 aña di desalinacion di awa na Aruba. Tira un bista den memorianan comparti di WEB y/of desalinacion di awa na Aruba desde 1932 den Mi Tesoro, nos museo digital: Wak museo digital

Solar Photovoltaic System Finalisa

2018
Na 2018 WEB a pone su parke solar, Sunrise Solar Park na Lago Heights, den funcion; un parke di PV na gran esacala, consistiendo di un sistema fotovoltaico monta na suela, cu un capacidad instala di 7.5 MW.

Flywheel Park

2018
Proyecto Flywheel ta otro proyecto pa yuda mantene e red di energia stabil y eficiente. E ta consisti di 20 Flywheel cu un capacidad di almacena energia di 5 MW durante 12 minuut.

Introduccion di WEB Aruba su sistema di informacion geografico GIS

2018
GIS ta un sistema cu ta registra tur obheto y infrastructura ariba of bou di tera, conecta na data. Pa su introduccion, mester a digitalisa mapanan bieu cu informacion di WEB su red di distribucion y implementa esaki den un modelo di data informativo geografico. Pa esaki, e compania internacional Esri a premia WEB cu un ‘Special Achievement in GIS (SAG) Award.

Tuberia 12 inch nobo

2019
Como cu demanda tawata subi y pa tin suministro extra y balansa pa area di hotel, a pone un liña di tuberia di 12 inch (‘ringleiding’) di mas o menos 8 KM canto di Watty Vos Boulevard.

Desmantelacion

2020
Despues di a logra ‘Zero-MSF’ door di bay over 100% riba plantanan di SWRO y como cu e tuberia riba tera y e schoorsteennan no tawata den servicio mas a desmantela nan na 2020. Di e forma aki a traha lugar pa futuro plantanan, entre otro un di tres planta di SWRO, planea pa construi pa por cumpli cu desaroyo constante y crecemento proyecta na Aruba.

Intelligent Generation Management System (IGMS)

2021
E IGMS ta mantene suministro di energia pa ELMAR stabil y ta facilita accion mas liher durante interupcionnan of fluctuacion den demanda di energia. IGMS ta regula e frecuencia di tur ekipo online y ta absorba fluctuacion entre produccion y demanda di energia.

Tuberia di distribucion adicional

2021
A crea un liña di tuberia di distribucion adicional for di tanki di awa na Jaburibari pa reemplasa e pomp cu tawata suministra awa na e area. Awor ta suministra e area cu awa pa medio di gravedad. E liña di tuberia nobo aki ta mas o menos 3 KM.

Introduccion RECIP IV

2022
Na juni 2022, WEB Aruba a pone e di cuater planta RECIP den funcion, reemplasando asina tur sistema integral di boiler. E planta RECIP IV ta consisti di 6 motor RECIP cu un capacidad instala conhunto di 102 MW. Cu funcionamento di e di cuater planta RECIP, ta pone un fin na 64 aña di produccion di energia termico. WEB Aruba awor ta produci energia cu motornan RECIP cu lo por funciona tanto cu Heavy Fuel Oil como gas natural den futuro. Cu funcionamento di RECIP IV, WEB Aruba ta dal un paso mas cerca pa alcansa su obhetivo pa baha su produccion di energia cu combustibel fosil na 50% y produccion cu energia renovabel na 50%. Esaki ta contribui na WEB Aruba su vision di un produccion mas limpi, mas berde y liber di Heavy Fuel Oil.

90 anja di WEB Aruba

2022