Si! Uzando nos online portal "WEB Care" bo por wak bo cuenta di awa ariba bo telefon celular, computer of otro aparato. Bo por wak bo historia di consumo y tur pagonan ricibi na WEB tambe. Ademas, si bo ta registra den WEB Care, bo ta ricibi un notificacion via e-mail, tur luna, ora bo cuenta di awa sali. 

Click aki y sigui e instruccionnan pa registra pa WEB Care.

Si bo no tin awa, probablemente a desconecta e meter di awa pa motibo di cuentanan di awa no paga. Por fabor check si bo tin cuentanan di awa habri. Click aki pa sa kico mester haci pa laga reconecta bo meter di awa. Semper tuma nota di e ultimo dia pa paga riba cada cuenta di awa, pa evita e inconveniencia di desconexion di awa. Si bo no tin cuentanan di awa habri, tin un posibilidad cu WEB ta haciendo trabou di mantencion den bo besindario. Keda na altura di notificacionnan di trabounan di mantencion riba WEB Aruba su pagina di Facebook.

Click aki pa tur lo cual bo tin mester pa aplica pa un conexion di awa nobo. Pa por bini na remarke pa un conexion nobo di awa, ta rekeri pa tin un nis na rand di e percela concerni. Un ‘nis’ ta un hoki di beton habri dilanti y ariba y cera na ambos banda. Tin biaha e ta forma parti di un muraya di cura y tin biaha e ta para su so. WEB ta determina unda e cliente mester laga traha e nis; lo apunta esaki riba e mapa di ubicacion (“situatietekening”) cu e cliente a entrega na momento di haci e peticion pa e conexion. E nis mester ta traha segun WEB su specificacionnan. E situatietekening cu indicacion unda e nis mester bini, lo ta disponibel dentro di 10 dia despues cu a entrega e peticion pa e conexion. E departamento lo informa tambe cuanto tempo lo dura pa haña e conexion, despues di a haña confirmacion di e cliente cu e nis ta cla. Ta importante pa notifica WEB ora e nis ta cla. E cliente ta haci esaki door di manda un mail na nis@webaruba.com. Un mapa cu specificacionnan na cual e nis tin cu cumpli ta disponibel na loket di WEB Aruba of por download e aki. 

E tempo pa haya un meter di awa pa un conexion nobo ta depende di e situacion na e tereno. Cada situacion ta unico. Pa informacion tocante e tempo di espera pa un conexion nobo Click aki. Pa informacion tocante e tempo di espera pa reconecta un meter existente Click aki

Por yama nos liña di storing na 525-4300, disponibel 24/7, si bo ripara un lekkage riba tuberia di WEB.

Pa tur rekisito y informacion pa aplica pa un meter di awa cu tarifa P pa agricultura of cria, click aki.

Si bo a ricibi un cuenta di awa mas halto cu normal, e prome stap ta pa check e tuberia na cas pa lekkage. Den caso cu tin lekkage na cas, ta importante pa laga drecha esakinan mas liher posibel pa evita mas cuenta halto den futuro. 

Si no tin lekkage y ta pensa cu por tin algun problema cu bo meter di awa, tuma bo meterstand y tuma contacto cu nos Call Center na 280-4600 cu e peticion pa WEB controla si a lesa e meter corectamente. Tambe ta posibel pa laga check e meter di awa. Click aki pa haci un cita.

• Ariba nos portal online WEB Care por wak tur bo cuentanan di awa Click aki pa registra y login den WEB Care.
• Ora bo ta registra pa WEB Care lo bo ricibi automaticamente notificacionnan via email manera cu bo siguiente cuenta di awa ta cla. Den caso cu no a haya bo Ebill di WEB Care den bo inbox, por fabor check den sea bo junk email, folder di spam, of e tabla yama ‘Other’ prome cu tuma contacto cu Call Center di WEB na 280-4600.
• Tambe por yama 280-4600, den e menu principal, scoge e opcion 'Pa bo saldo di cuenta activo' y sigui e instruccion.  

Por entrega un keho oficial en persona na nos Loket na Balashi of via nos formulario di contacto; click aki pa yena e formulario y upload un potret di bo identificacion valido. Si pasa personalmente, corda bini cu un ID valido.

Bo cuenta di awa mensual ta contene hopi informacion tocante bo historia di consumo di awa y di cuanto bo cobransa ta cada luna. Click aki pa un splicacion completo di e contenido di bo cuenta di awa. 

Pa haya sa cuanto bo saldo ta, log in den WEB Care, yama Call Center di WEB na 280-4600 of pasa cerca loket di WEB situa na Balash 76. Ora bo ta registra pa WEB Care lo bo ricibi automaticamente notificacionnan via e-mail manera cu bo siguiente cuenta di awa ta cla. Den caso cu no a haya bo Ebill di WEBCARE den bo inbox, por fabor check den sea bo junk email, folder di spam, of e tabla yama ‘Other’ prome cu tuma contacto cu Call Center di WEB.

Si tin problema cu WEB Care, por tuma contacto cu nos Call Center na 280-4600. Un di nos representantenan por yuda bo login exitosamente. Tambe por manda un peticion pa asistencia via nos formulario di contacto, click aki pa yena y manda e formulario.

Si, tur cliente por haci un areglo di pago na WEB dos bes den cada aña. Un account holder por aplica pa un areglo di pago door di pasa personalmente na loket di WEB na Balashi cu bo ID valido. Den caso bo no ta e 'account holder,' ta rekeri bo trece bo ID valido, un carta di autorisacion di e account holder, y un ID valido di e account holder. 

Si, tur persona residencia den exterior tin cu paga un deposito di Awg 250,-. Pa mas detaye tocante un meter di awa nobo, click aki. 

Riba nos pagina di vacatura por wak e vacaturanan actual na WEB. Por manda cartanan di solicitud pa hrm@webaruba.com.

Si, WEB ta rekeri un nis pa conexionnan di awa pa casnan y edificionan comercial nobo. Pa mas detaye tocante nis, click aki. Download e mapa cu specificacionnan rekeri pa e nis aki.