Meter di awa pa agricultura y/of ganaderia

Pa aplica pa un meter di awa pa agricultura y/of ganaderia, mester yena e formulario di contacto aki y inclui e siguiente documentonan. Click aki pa un guia con pa yena e formulario di contacto. Despues di a ricibi tur documentacion corecto, nos ta tuma contacto cu bo persona, pa haci un cita pa firma e contract na loket di WEB.

Si ta prefera pa aplica personalmente na loket di WEB, lo mester haci un cita via nos Call Center na: 280-4600. No por atende cliente cu ta presenta sin cita.

• Den caso di agricultura, mester presenta un carta di Departamento di Agricultura, Cria y Pesca (Santa Rosa). Den caso di ganaderia of cria di pesca, mester trece un carta di Departamento di Agricultura, Cria y Pesca (Santa Rosa) y un carta di Departamento di Salubridad Publico.

• Acta di notario di compra di e propiedad of ‘Eigendomsbewijs’. Den caso di huurgrond, mester presenta un carta di Directie Infrastructuur en Planning (DIP) of contracto di huurgrond.

• Copia di inscripcion di e negoshi den registro di Camara di Comercio Aruba (KVK) no mas bieu cu 3 luna. 

• Copia di e mapa di plan di ubicacion (“situatie tekening”) di e tereno.

• Identificacion valido*

• Awg. 130,- (lo por paga esaki na loket di WEB of lo por ser cobra riba e prome cuenta di awa):

  • Deposito minimo  Awg. 80,- (ta depende di averahe di consumo)

  • Conexion  Awg. 50,-.