Conexion meter nobo

Haya sa tur lo cual bo mester sa pa laga conecta un meter nobo

Ta rekeri un nis pa por haña un conexion di awa nobo

Pa por bini na remarke pa un conexion nobo di awa, ta rekeri pa tin un nis na rand di e percela concerni. Un ‘nis’ ta un hoki di beton habri dilanti y ariba y cera na ambos banda. Tin biaha e ta forma parti di un muraya di cura y tin biaha e ta para su so. WEB ta determina unda e cliente mester laga traha e nis; lo apunta esaki riba e mapa di ubicacion (“situatietekening”) cu e cliente a entrega na momento di haci e peticion pa e conexion. E nis mester ta traha segun WEB su specificacionnan. E situatietekening cu indicacion unda e nis mester bini, lo ta disponibel dentro di 10 dia despues cu a entrega e peticion pa e conexion. E departamento lo informa tambe cuanto tempo lo dura pa haña e conexion, despues di a haña confirmacion di e cliente cu e nis ta cla.

Ta importante pa notifica WEB ora e nis ta cla. E cliente ta haci esaki door di manda un mail na nis@webaruba.com

Un mapa cu specificacionnan na cual e nis tin cu cumpli ta disponibel na loket di WEB Aruba of por download e aki

A. Trahando cas?

Si bo ta bay traha un cas y ta desea un meter pa construccion, mester presenta na loket di WEB cu:

  • Permiso di DOW pa construi e cas.

  • Acta di notario di compra of 'eigendomsbewijs' di e propiedad.

  • Copia di e mapa di plan di ubicacion (“situatie tekening”) di e tereno.

  • ID* valido.

  • Pa residente: Awg. 130,- pa:

    • Deposito  Awg. 80,-

    • Coneccion Awg. 50,-.

  • Pa no residente: Awg. 300,- pa:

    • Deposito  Awg. 250,-

    • Coneccion Awg. 50,-.

B. Construyendo un edificio comercial?

Si bo ta bay traha un edificio comercial y ta desea un meter pa construccion, mester presenta na loket di WEB cu:

  • Permiso di DOW pa construi e edificio comercial.

  • Copia di e mapa di plan di ubicacion ("situatie tekening") di e tereno.

  • Acta di notario di compra of 'eigendomsbewijs' di e propiedad.

  • Copia di inscripcion di e negoshi den registro di Camara di Comercio Aruba (KVK) no mas bieu cu 3 luna.

  • E negoshi mester autorisa un persona por escrito pa firma pa e negoshi. Click aki pa un copia digital.

  • ID* valido.

  • Pa residente: Awg. 130,- pa:

    • Deposito  Awg. 80,-

    • Coneccion Awg. 50,-.

  • Pa no residente: Awg. 300,- pa:

    • Deposito  Awg. 250,-

    • Coneccion Awg. 50,-.

C. Meter di awa extra riba un tereno

Ta posibel pa pidi un meter di awa extra pa un apartamento of trailer. E apartamento of trailer mester tin un baño y cushina.

  • Mester presenta na loket di WEB cu un keuringskaart valido di NV Elmar.

  • Yena un formulario di peticion na loket di WEB.

  • Dentro di 10 dia, WEB ta haci un chekeo na e edificio pa cual ta pidi un meter extra.

  • WEB lo yama pa informa e cliente di e resultado.

Si ta aproba pa haña un meter extra, por fabor presenta na loket di WEB cu:

  • Acta di notario di compra of 'eigendomsbewijs' di e propiedad.

  • ID* valido.

  • Pa residente: Awg. 130,- pa:

    • Deposito  Awg. 80,-

    • Coneccion Awg. 50,-.

  • Pa no residente: Awg. 300,- pa:

    • Deposito  Awg. 250,-

    • Coneccion Awg. 50,-.

D. Meter di awa pa agricultura y/of ganaderia

Pa aplica pa un meter di awa pa agricultura y/of ganaderia, mester yena e formulario di contacto aki y inclui e siguiente documentonan. Click aki pa un guia con pa yena e formulario di contacto. Despues di a ricibi tur documentacion corecto, nos ta tuma contacto cu bo persona, pa haci un cita pa firma e contract na loket di WEB.

Si ta prefera pa aplica personalmente na loket di WEB, lo mester haci un cita via nos Call Center na: 280-4600. No por atende cliente cu ta presenta sin cita.

  • Den caso di agricultura, mester presenta un carta di Departamento di Agricultura, Cria y Pesca (Santa Rosa). Den caso di ganaderia, mester trece un carta di Departamento di Agricultura, Cria y Pesca (Santa Rosa) y un carta di Departamento di Salubridad Publico.

  • Acta di notario di compra di e propiedad of ‘Eigendomsbewijs’.

  • Copia di inscripcion di e negoshi den registro di Camara di Comercio Aruba (KVK) no mas bieu cu 3 luna. (Pa pensionado 60+: 6 luna di dispensacion).

  • Copia di e mapa di plan di ubicacion (“situatie tekening”) di e tereno.

  • Identificacion valido.*

  • Awg. 130,- (lo ser cobra riba e prome cuenta di awa):

    • Deposito minimo  Awg. 80,- (ta depende di averahe di consumo)

    • Conexion  Awg. 50,-.

E. Meter di awa pa pool

Pa por haci peticion pa un meter di awa special pa pool, mester provee e siguiente informacion:

  • Adres.
  • Fecha desea pa ricibi e meter pa pool.
  • Largura, hanchura y profundidad di e pool (Lengte, hoogte y breedte).
  • ID* Valido.

Si bo no ta doño di e pool:

  • carta di autorisacion di e doño.
  • ID* valido di e doño.

E suma di deposito (basa riba e cantidad di meter cubico, m3) lo mester ta paga adelanta.

Prijs pa m3 ta Awg. 9.50.

Gastonan adicional:

  • Gasto di conexion: Awg. 50.00
  • Gasto di huur di e meter: Awg. 10.00    
* Un identificacion valido = cedula, rijbewijs of paspoort valido

Tempo di espera pa un conexion di meter nobo

E tempo pa conexion di meter nobo ta depende di e situacion na e tereno. Cada situacion ta unico. Akibou ta menciona algun situacion y den cuanto tempo mas o menos lo por haya e meter.

  • Tubo existente ta core dilanti e tereno y tin un conexion pa un meter: 2 of 3 dia.

  • Tubo existente ta core dilanti di e tereno pero no tin conexion pa un meter: 1 siman.

  • Tubo existente ta core otro banda di e caminda of te na un tereno banda di e tereno unda ta pidi e meter: 2 te 3 siman.

  • Tubo existente ta core 50 m of mas for di e tereno:

    • Un investigacion na e sitio ta determina den cuanto tempo por haya e meter.

    • Te 2 luna.

  • Si e tereno unda ta pidi un meter ta 250 m of mas pafo di e area caminda cu WEB ta duna servicio, e cliente mester paga mita di e gastonan envolvi. Un investigacion na e sitio ta determina den cuanto tempo ta haya e meter y e suma cu e cliente mester contribui:

    • Despues cu a ricibi e pago lo dura maximo 2 luna.

    • Composicion di e tera por determina den cuanto tempo ta haya meter.  

E tempo indicativo pa conecta un meter nobo di awa ta conta pa tur situacion, sea cu bo ta trahando cas of edificio comercial, of cu bo ta pidi pa un di dos meter di awa riba bo propiedad of en caso bo pidi pa un meter cu tarifa P.

Autorisa un persona pa pidi un meter di awa nobo:

E persona autorisa mester trece na loket di WEB:

  • Acta di notario di compra of 'eigendomsbewijs' di e propiedad.

  • Un carta di apoderacion firma door di e persona cu a pidi e meter. Click aki pa un copia digital.

  • Un copia di un ID* valido di e persona riba cual su nomber lo registra e meter.

  • E persona su propio ID* valido.

Ainda no ta cla kico ta necesario pa completa bo transaccion na WEB? Por fabor yama nos Call Center na 280-4600.

Den circunstancianan particular WEB por permiti pa desvia di e proceduranan menciona akiriba. 

 

* Un identificacion valido = cedula, rijbewijs of paspoort valido