Trahando cas?

Click aki pa informacion di e procedura pa construi un nis y pa yega na un conexion di awa nobo.

Si bo ta bay traha un cas y ta desea un meter pa construccion, mester presenta na loket di WEB cu:

• Permiso di DOW pa construi e cas.

• Acta di notario di compra of 'eigendomsbewijs' di e propiedad.

• Copia di e mapa di plan di ubicacion (“situatie tekening”) di e tereno, cu stempel di aprobacion di DOW.

• ID* valido

• Uittreksel Bevolkingsregister (‘Papel di 5 florin’)

• Pa residente: Awg. 130,- pa:

  • Deposito  Awg. 80,-

  • Coneccion Awg. 50,-.

• Pa no residente: Awg. 300,- pa:

  • Deposito  Awg. 250,-

  • Coneccion Awg. 50,-.

Na momento cu finalisa construccion di e cas, mester notifica nos pa cambia e tarifa di awa pa construccion pa e tarifa residencial. Por wak nos tarifanan aki.

Por fabor manda bo notificacion via e formulario di contacto aki of via nos WEB ARUBA CHAT via WhatsApp 525-4600 y añadi e siguiente documentonan:

• ID* valido.
• 'Huisnummer Brief' di Censo Aruba.

Lo bo ricibi un confirmacion cu a cambia e tarifa di awa.