E Tecnologia Tras di Cada Gota

Con awa di lama ta transforma den awa di bebe? Na WEB Aruba, e proceso ta concentra riba osmosis inverso di awa di lama, conoci como Seawater Reverse Osmosis (SWRO). Pompnan di presion halto ta pusha awa door di membrananan specialmente diseña cu ta permiti moleculenan di awa pasa, mientras cu nan ta retene mayoria salo disolvi. Tratamento adicional, incluyendo remineralisacion y desinfeccion por medio di luz ultraviolet, ta prepara e awa pa distribucion.

SWRO ta uza menos energia cu e sistemanan di desalinacion termico (Multi Stage Flash – MSF) cu WEB tabata uza anteriormente, yudando nos produci awa di bebe di manera mas eficiente, mientras nos ta mantene e calidad cu nos clientenan ta conta cu ne.

Cifranan di Produccion di Awa