Reconecta un meter

Tur lo cual bo mester sa pa bo reconecta un meter di awa

Tin dos (2) tipo di reconexion

1. Reconexion debi na pago atrasa

Si a desconecta bo suministro di awa debi na pagonan atrasa

  • Ta desconecta bo meter di awa door di cera e ‘ball valve’ (cranchi) na e meter y pone un ‘pin’ cu ta lock e meter di awa.
  • Paga e suma atrasa completo via online banking of via bo punto di pago preferi.
  • Manda nos bo number di percela hunto cu un potret di bo comprobante di pago via WhatsApp* pa 525-4600 of via info@webaruba.com.
  • Ta habri e meter e mesun dia cu a procesa e comprobante di pago ricibi. Esaki lo ta pa mas tarda pa 8:00 PM.
  • Reconexion ta encera cu ta kita e pin, pero no ta habri e ball valve di e meter. Esaki pa preveni cu awa ta core for di cranchinan cu por a laga habri mientras tawata desconecta. P’esey ora a caba di a manda e comprobante di pago, ta recomendabel pa check si WEB a bin kita e pin. Den e caso ey, cliente mes ta bira habri e ball valve.

*Ta procesa peticionnan manda via WhatsApp of email, di dialuna pa diabierna entre 7:45 am – 3:45 pm. Lo procesa peticionnan cual a manda prome of despues, e siguiente dia di trabou. Lo inclui Awg. 50,- gasto di reconexion den bo siguiente cuenta di awa.

 

2. Reconexion debi na mudamento

Den caso di doño di cas

A. Si bo ta doño di un cas y bo tawatin un meter caba riba bo nomber na e cas, mester trece na loket di WEB na Balashi:

  • Acta di notario di compra of 'eigendomsbewijs' di e propiedad.
  • Identificacion valido.*
  • Pa residente: Awg. 130,- pa:
    • Deposito  Awg. 80.-
    • Conexion  Awg. 50.-.
  • Pa no residente: Awg. 300,- pa:
    • Deposito  Awg. 250.-
    • Conexion  Awg. 50.-.

B. Si bo a cumpra un cas of nunca tawatin un meter riba bo nomber na e cas, mester trece na loket di WEB na Balashi:

  • Acta di notario di compra of 'eigendomsbewijs' di e propiedad.
  • Identificacion valido.*
  • Pa residente: Awg. 130,- pa:
    • Deposito  Awg. 80.-
    • Conexion  Awg. 50.-.
  • Pa no residente: Awg. 300,- pa:
    • Deposito  Awg. 250.-
    • Conexion  Awg. 50.-.

 

Den caso di huur un cas

C. Si bo ta huur un cas, mester trece na loket di WEB na Balashi:

  1. Formulario aplicacion di autorisacion, completamente yena y firma pa e doño di e cas concerni. E formulario aki ta disponibel na loket di WEB of por click aki pa un copia digital.
  2. Copia di identificacion valido* di e doño di cas.
  3. Acta di notario di compra of 'eigendomsbewijs' di e propiedad.
  4. Propio identificacion valido.*
  5. Pa residente: Awg. 130,- pa:
    • Deposito  Awg. 80.-
    • Conexion  Awg. 50.-.
  6. Pa no residente: Awg. 300,- pa:
    • Deposito  Awg. 250.-
    • Conexion  Awg. 50.-.

 

Hala un meter di awa

D. Si bo kier hala un meter di awa riba e mesun tereno.

1. Yama departamento di Servicio na Cliente na telefon 280-4600.

2. Dentro di un (1) siman ta haci un chekeo na e tereno pa constata si tin motibo valido pa WEB hala e meter. Si no tin motibo valido y e cliente ainda kier hala e meter, e cliente mester paga e gastonan di e trabou. E gasto pa hala un meter di awa ta Awg. 320,-.
No ta permiti pa otro persona of compania haci e trabou di hala meter (manera stipula den nos condicionnan di suministro di awa na Aruba).

 

Duracion pa haya un meter di awa, valido pa A, B y C

  1. Si tabatin un meter caba na e tereno y e conexion pa e meter ta existi ainda, por haya e meter 1 dia di trabou despues di a entrega e peticion.
  2. Si tabatin un meter caba na e tereno pero e conexion pa e meter no ta existi mas, ta haya e meter dentro di 2 dia di trabou despues di a entrega e peticion.

 

Autorisa un persona pa pidi un meter di awa:

E persona mester trece na loket di WEB na Balashi:

  1. Un carta di autorisacion firma door di e persona cu ta pidi e meter. Click aki pa un copia digital.
  2. Acta di notario di compra of 'eigendomsbewijs' di e propiedad.
  3. Un copia di un identificacion valido* di e persona riba cual lo registra e meter.
  4. Su propio identificacion valido.*

Den circunstancianan particular WEB por permiti pa desvia di e proceduranan menciona aki riba.

 

*Un identificacion valido = cedula, rijbewijs of paspoort valido.