FAQs

Preguntanan puntra frequentemente
No por a haya ningun contesta, usa e formulario di pregunta pa manda bo pregunta
1. Mi por wak mi cuenta di awa online?

Si! Uzando nos online portal "WEB Care" bo por wak bo cuenta di awa ariba bo telefon celular, computer of otro aparato. Bo por wak bo historia di consumo y tur pagonan ricibi na WEB tambe. Ademas, si bo ta registra den WEB Care, bo ta ricibi un notificacion via e-mail, tur luna, ora bo cuenta di awa sali. 

Bo kier haci uzo di WEB Care? Click aki, yena e formulario y 'submit' bo peticion di registracion pa WEB Care. Bo ta prefera di registra bo mes? Click aki y sigui e instruccionnan riba e tab 'register'.

2. Mi no tin awa, kico a pasa?

Si bo no tin awa, probablemente a desconecta e meter di awa pa motibo di cuentanan di awa no paga. Por fabor check si bo tin cuentanan di awa habri. Click aki pa sa kico mester haci pa laga reconecta bo meter di awa. Semper tuma nota di e ultimo dia pa paga riba cada cuenta di awa, pa evita e inconveniencia di desconexion di awa. Si bo no tin cuentanan di awa habri, tin un posibilidad cu WEB ta haciendo trabou di mantencion den bo besindario. Keda na altura di notificacionnan di trabounan di mantencion riba WEB Aruba su pagina di Facebook.

3. Con mi por aplica pa un meter di awa nobo?

Click aki pa tur lo cual bo tin mester pa aplica pa un conexion di awa nobo. Pa por bini na remarke pa un conexion nobo di awa, ta rekeri pa tin un nis na rand di e percela concerni. Un ‘nis’ ta un hoki di beton habri dilanti y ariba y cera na ambos banda. Tin biaha e ta forma parti di un muraya di cura y tin biaha e ta para su so. WEB ta determina unda e cliente mester laga traha e nis; lo apunta esaki riba e mapa di ubicacion (“situatietekening”) cu e cliente a entrega na momento di haci e peticion pa e conexion. E nis mester ta traha segun WEB su specificacionnan. E situatietekening cu indicacion unda e nis mester bini, lo ta disponibel dentro di 10 dia despues cu a entrega e peticion pa e conexion. E departamento lo informa tambe cuanto tempo lo dura pa haña e conexion, despues di a haña confirmacion di e cliente cu e nis ta cla. Ta importante pa notifica WEB ora e nis ta cla. E cliente ta haci esaki door di manda un mail na nis@webaruba.com. Un mapa cu specificacionnan na cual e nis tin cu cumpli ta disponibel na loket di WEB Aruba of por download e aki

 

 

4. Cuanto tempo mester warda pa ricibi mi meter di awa?

E tempo pa haya un meter di awa pa un conexion nobo ta depende di e situacion na e tereno. Cada situacion ta unico. Pa informacion tocante e tempo di espera pa un conexion nobo Click aki. Pa informacion tocante e tempo di espera pa reconecta un meter existente Click aki

5. Cua number mi por yama si mi ta experenciando problema cu mi suministro di awa?

Nos Call Center (280-4600) ta disponibel di dialuna pa diabierna di 7:30 am pa 12:00 pm y di 1:00 pm pa 4:30 pm, pa raporta cualke problema cu bo suministro di awa:

- Falta di awa, lekkage y presion hopi abou,

- Calidad di awa, por ehempel holor, smak of color di awa.

6. Con ta aplica pa un meter di awa pa agricultura of cria?

Pa tur rekisito y informacion pa aplica pa un meter di awa cu tarifa P pa agricultura of cria, click aki y scroll abou te na punto 'D.'

7. Mi cuenta a sali halto, kico mi por haci?

Si bo a ricibi un cuenta di awa mas halto cu normal, e prome stap ta pa check e tuberia na cas pa lekkage. Den caso cu tin lekkage na cas, ta importante pa laga drecha esakinan mas liher posibel pa evita mas cuenta halto den futuro. 

Si no tin lekkage y ta pensa cu por tin algun problema cu bo meter di awa, tuma bo meterstand y tuma contacto cu nos Call Center na 280-4600 cu e peticion pa WEB controla si a lesa e meter corectamente. Tambe ta posibel pa laga check e meter di awa. Click aki pa haci un cita.

8. Mi no a ricibi un cuenta di awa, con mi por haya sa cuanto mi cuenta a sali?
  • Ariba nos portal online WEB Care por wak tur bo cuentanan di awa Click aki pa registra y login den WEB Care.
  • Por tuma contacto tambe cu nos Call Center na: 280-4600 y un di nos representantenan por guia bo den e proceso di registracion. 
9. Mi a confronta cu un problema di awa/cuenta di awa/servicio di awa y mi kier entrega un keho. Con mi por haci esaki?

Por entrega un keho oficial en persona na nos Loket na Balashi of via nos formulario di contacto; click aki pa yena e formulario y upload un potret di bo identificacion valido. Si pasa personalmente, corda bini cu un ID valido.

10. Mi no ta compronde mi cuenta di awa, kico tur cos kemen?

Bo cuenta di awa mensual ta contene hopi informacion tocante bo historia di consumo di awa y di cuanto bo cobransa ta cada luna. Click aki pa un splicacion completo di e contenido di bo cuenta di awa. 

11. Con mi por check cuanto mi debe?

Den WEB Care nos online portal, bo por wak bo balans. Click aki, yena e formulario y 'submit' bo peticion di registracion pa WEB Care. Bo ta prefera di registra bo mes? Click aki y sigui e instruccionnan riba e tab 'register'. Ora bo a caba di registra bo por login y wak bo cuenta di awa online. 

12. Mi ta tin problema pa log in den WEB Care, con mi por resolve e problema?

Si tin problema cu WEB Care, por tuma contacto cu nos Call Center na 280-4600. Un di nos representantenan por yuda bo login exitosamente. Tambe por manda un peticion pa asistencia via nos formulario di contacto, click aki pa yena y manda e formulario.

13. Mi no por paga mi cuenta di awa, mi por haci un areglo di pago?

Si, tur cliente por haci un areglo di pago na WEB dos bes den cada aña. Por aplica pa areglo di pago pa medio di e formulario aki of por pasa personalmente na loket di WEB na Balashi. Click aki pa wak cua documento mester entrega hunto cu e aplicacion. 

14. Tin un diferencia den prijs di meter pa un persona cu tin cas na Aruba pero cu no ta residente?

Si, tur persona residencia den exterior tin cu paga un deposito di Awg 250,-. Pa mas detaye tocante un meter di awa nobo, click aki

15. Con por aplica pa un trabou na WEB?

Riba nos pagina di vacatura por wak e vacaturanan actual na WEB. Por manda cartanan di solicitud pa hrm@webaruba.com.

16. Mester di un nis ora di haci peticion pa un conexion di awa nobo?

Si, WEB ta rekeri un nis pa conexionnan di awa pa casnan y edificionan comercial nobo. Pa mas detaye tocante nis, click aki. Download e mapa cu specificacionnan rekeri pa e nis aki.

Puntra bo Pregunta

Fill in your name