Ta considera un cuenta di awa caduca ora su ultimo fecha di pago a vence. Ta haya e ultimo fecha di pago riba e cuenta di awa, ariba na man drechi.  E fecha aki ta varia algun dia cada luna, pues percura pa semper check e fecha.

Riba e cuenta di awa ta haya tambe e suma atrasa; esaki ta e suma cu mester paga ainda. Pone atencion na e suma aki, pa evita desconexion di suministro di awa. Na momento cu un cuenta di awa caduca, WEB por desconecta e suministro na cualkier momento, sin aviso. Pa evita desconexion, cliente lo mester paga e cuenta di awa pa mas tarda riba e ultimo fecha di pago.

Si a desconecta bo suministro di awa debi na pagonan atrasa

• Ta desconecta bo meter di awa door di cera e ‘ball valve’ (cranchi) na e meter y pone un ‘pin’ cu ta lock e meter di awa.
• Paga e suma atrasa completo via online banking of via bo punto di pago preferi.
• Manda nos bo account number (number di 10 cifra) hunto cu un potret di bo comprobante di pago via WhatsApp* pa WEB ARUBA CHAT na 525-4600 of via info@webaruba.com.
• Ta habri e meter e mesun dia cu a procesa e comprobante di pago ricibi. Esaki lo ta pa mas tarda pa 8:00 PM.
• Reconexion ta encera cu ta kita e pin, pero no ta habri e ball valve di e meter. Esaki pa preveni cu awa ta core for di cranchinan cu por a laga habri mientras tawata desconecta. P’esey ora a caba di a manda e comprobante di pago, ta recomendabel pa check si WEB a bin kita e pin. Den e caso ey, cliente mes ta bira habri e ball valve.

*Ta procesa peticionnan manda via WhatsApp of e-mail, di dialuna pa diabierna entre 7:45 am – 3:45 pm. Lo procesa peticionnan cual a manda prome of despues, e siguiente dia di trabou. Lo inclui Awg. 50,- gasto di reconexion den bo siguiente cuenta di awa.