Mas limpi, Mas berde y liber di Fuel-Oil
Na WEB Aruba nos ta traha diariamente pa crea un cambio sostenibel den produccion di awa y coriente. Nos ta convenci cu nos por ofrece servicio confiabel na nos clientenan y reduci nos dependencia di Fuel oil na mes momento.
Nos Mision
Nos ta suministra e mihor awa, energia, y producto y servicionan relata, na un manera mas confiabel, pagabel y sostenibel.
Nos Vision
Mas limpi, mas berde y liber di combustibel rumbo pa un produccion y suministro di awa y energia sostenibel, cual ta ofrece e balor mas halto na nos clientenan.
Nos vision pa futuro ta conduci na 5 objetivo strategico cu ta guia nos empresa continuamente:
- WEB Aruba no ta uza Heavy Fuel Oil mas como fuente di energia.
- E averahe anual di energia cu WEB Aruba ta suministra, ta bini pa 50% for di fuentenan renovabel y 50% di combustibel alternativo.
- WEB Aruba su enfoke ariba e balor di clientenan, ta incorpora como un vehiculo pa crecemento sostenibel.
- WEB Aruba tin proposicionnan diversifica di awa y energia (portfolio di servicionan di awa y energia y mercadonan nobo)
- WEB Aruba ta un organisacion robusto y agil, pa sigura continuidad, stabilidad y crecemento.
Anualmente WEB Aruba ta formula un agenda corporativo cual ta alinea cu dirigi riba e 5 objetivonan strategico. Cu esaki WEB Aruba ta mantene un direccion fiho cu tareanan dividi den partinan manehabel.
Sesionnan pa Stakeholders
Pa crea cambionan sustenibel den produccion di awa y energia ta un esfuerso colaborativo. Nos stakeholders ta importante pa e desaroyo di nos futuro.