Meter di awa pa pool

Pa por haci peticion pa un meter di awa special pa pool, mester provee e siguiente informacion:

• Adres.

• Fecha desea pa ricibi e meter pa pool.

• Volumen di e pool na meter cubico (m3. Por midi esaki door di midi e pool su largura y hanchura y profundidad, na meter y multiplica nan, p.e. largura = 5 meter, hanchura = 4 meter, profundidad = 1.25 meter. E volumen di e pool e ora ta bira 5 x 4 x 1.25 = 25 m3.

• ID* Valido
• Si bo no ta doño di e pool:
• carta di autorisacion di e doño.
• ID* valido di e doño.

E suma di deposito basa riba e volumen (cantidad di meter cubico, m3) lo mester ta paga adelanta.

Prijs pa m3 ta Awg. 12.00

Gastonan adicional:

• Gasto di conexion: Awg. 50.00
• Gasto di huur di e meter: Awg. 10.00    

Ta conecta e​​​​​​ meter pa maximo 5 dia, en caso e pool a yena prome cu esey, por avisa door di yama 280-4600 of via nos formulario di contacto, click aki.

* Un identificacion valido = cedula, rijbewijs of paspoort valido