Na 2021 WEB Mobil a cumpli 1 aña sirbiendo comunidad di Aruba cu su servicio riba wiel. Danki Aruba! 

A introduci WEB Mobil na inicio di e pandemia pa por yega mas cerca di clientenan, den aire liber y pa limita acumulacion. Esaki tawata un servicio temporal di WEB pa yuda limita e contagio. Cu e pandemia COVID-19 tras di lomba, esey no ta necesario mas. Un evaluacion di efectividad pa continua cu servicio mobil den periodo ‘post COVID-19’, a resulta den e decision pa descontinua e servicio. Nos ta gradici tur cliente cu a haci uzo di WEB Mobil y nos ta yama nan tur bonbini atrobe na nos diferente puntonan di contacto. Pa tur servicio di WEB por acudi na nos loketnan na Balashi. Pa pago di cuenta di awa por acudi na tur oficina di Gobierno/MFA, loketnan di NV ELMAR y banconan. Tambe por haci pago via online banking.